Arrestohet i dyshuari në Gjilan për armëmbajtje pa leje

13:47 | 7 Shtator 2022
E.H

Sot, Drejtoria Rajonale Gjilan, Njësiti i Hetimeve të Stacionit Policor Novobërdë me urdhër të Gjykatës ka realizuar një bastisje në shtëpinë dhe objektet përcjellëse të të dyshuarit me iniciale Q.H.

Gjatë kontrollit janë gjetur dhe konfiskuar si dëshmi materiale për Gjykatën:

Një  pushkë gjuetie me leje të skaduar prodhim Turk,

Një  pistoletë e llojit Zastava e kalibrit 6.35 mm

Një  karikator me katër copë fishekë të të njëjtit kalibër dhe

29 copë fishekë të kalibrit 9mm.

Sipas Policisë, i dyshuari është arrestuar dhe intervistuar në bazë të procedurave ligjore.

“Në lidhje me rastin është njoftuar Prokurori i Shtetit i cili ka urdhëruar që lënda të procedohet në procedurë të rregullt në Prokurorinë Themelore Gjilan me kallëzim penal për veprën penale ‘Mbajtje në pronësi, kontrollë ose posedim të paautorizuar i armëve’”, thuhet në komunikatën për media./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm