Arrestohet 36-vjeçari në Shtime, dyshohet se shtiu me armë zjarri në një aheng familjar

09:30 | 11 Gusht 2024
E.H

Një person është arrestuar të shtunën pasi dyshohet se ka shtënë me armë zjarri në një aheng familjar në rrugën “Ahmet Shtimja” në Shtime.

Tek B.S 36-vjeçar është gjetur arma e zjarrit me të cilën dyshohet se shtiu gjatë ahengut.

“I dyshuari është shoqëruar në stacionin e policisë në Shtimes dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj është ndaluar në mbajtje për 48 orë për procedura tjera hetimore, ndërsa si provë materiale është sekuestruar arma e zjarrit ( pistoletë)”, thuhet në njoftim.

Rasti është cilësuar “Përdorim i armës apo mjetit të rrezikshëm” dhe ” Mbajtje në pronësi, kontroll apo posedim i paautorizuar i armëve”./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm