Arrestohen dy të rinj në Viti për posedim të substancave narkotike

09:09 | 31 Gusht 2023
E.H

Dy persona janë arrestuar sot në orët e para të mëngjesit në Viti për posedim të substancave narkotike.

Siç thuhet në njoftim, në kuadër të operacionit policorë ‘Goditja’ në pikën e kontrollit në rrugën ‘Dëshmorët e Kombit’ në Viti, policia ka ndaluar një veturë me targa vendore në të cilën ndodheshin dy persona, përcjell Arbresh.info.

Gjatë kontrollit janë gjetur dhe sekuestruar 82 qese substancë narkotike e cila dyshohet të jetë e llojit marihuanë, një peshore digjitale, një pako me letra mbështjellëse “Rizlla”, 205 euro para të gatshme dhe disa para të metalta dhe tre telefona.

J.I 19 vjeçar dhe N.M., 18 vjeçar janë arrestuar ndërsa njësiti antidrogë janë duke u merr me rastin./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm