Google ADS

Arrestohen dy taksistë, sulmuan një tjetër që shkoi për të marrë pasagjerët në aeroport

10:37 | 16 Shtator 2023
E.K

Policia e Kosovës ka njoftuar se ka arrestuar dy taksistë në Aeroportin e Prishtinës sepse dyshohen se të njëjtit kishin sulmuar një taksist tjetër.

Në raportin e policisë bëhet e ditur, se mosmarrëveshja mes tyre ishte lidhur me shërbimet për pasagjerë, përcjell Arbresh.info.

Viktima ka pësuar lëndime është dërguar në QKUK për tretman mjekësor, ndërsa dy të dyshuarit pas intervistimit, me urdhër të prokurorit janë dërguar në mbajtje.

“ANP-Adem Jashari 15.09.2023-22:43. Janë arrestuar dy të dyshuar meshkuj kosovarë (taksist në ANP), pasi të njëjtit pas një mosmarrëveshje lidhur me shërbimet për pasagjerë, kanë sulmuar fizikisht viktimën mashkull kosovar punëtor taksie në një kompani tjetër, i cili kishte shkuar në ANP për të marrë pasagjerë. Viktima ka pësuar lëndime është dërguar në QKUK për tretman mjekësor, ndërsa dy të dyshuarit pas intervistimit, me urdhër të prokurorit janë dërguar në mbajtje”, thuhet në raportin e policisë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm