Arrestohen dy persona në Prishtinë të dyshuar se kanë kryer vjedhje të rënda në Austri

16:23 | 14 Nëntor 2023
E.H

Dy persona janë arrestuar sot në Prishtinë nën dyshimin se kanë kryer vjedhje të rënda në Austri.

Në njoftim thuhet se rastet e vjedhjeve kanë ndodhur në periudha të ndryshme kohore, dhjetor 2022 – janar 2023, shkruan Arbresh.info.

“Puna e hetuesve rajonal, është finalizuar sot , ku pas marrjes së disa veprimeve operative në koordinim me Prokurorinë, Gjykatën themelore dhe hetuesit nga Republika e Austrisë, kanë arrestuar dy personat e dyshuar:
– L.B . mashkull, 31 vjeç, shtetas i Republikës së Kosovës dhe
– I. V mashkull, 27 vjeç, shtetas i Republikës së Kosovës”, thuhet në njoftim.

Po ashtu, janë kontrolluar katër lokacione, ku janë gjetur dhe sekuestruar stoli ari, 156 fishekë, 2 automjete etj.

Personat e dyshuar pas intervistimit, me vendim të prokurorit janë dërguar në mbajtje, ndërkohë që hetuesit janë në kërkim të personit të tretë të dyshuar i cili tash më është i identifikuar./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm