Dy person janë arrestuar mbrëmë pas mesnatës në Gjilan, të dyshuar për posedim të substancave narkotike.

Arrestimi i tyre erdhi në kuadër të planit operacional policor “Goditja”, përcjell Arbresh.info.

Siç thuhet në njoftim, policia ka ndaluar automjetin në të cilin ndodheshin të dyshuari për kontroll, dhe gjatë kontrollit u janë gjetur substanca të dyshuara narkotike të llojit marihuanë.

“Gjatë kontrollit të personave të cilit ishin në automjet tek i dyshuari L.H. (viti i lindjes 2004, mashkull kosovar shqiptar) është gjetur substancë e dyshuar narkotike e llojit marihuanë në peshë prej 26.11 gram. Gjatë hetimit të këtij rasti janë gjetur prova se në këtë rast është i përfshirë edhe i dyshuari i dytë D.I. (viti i lindjes 2002, mashkull kosovar shqiptar).Të dy të dyshuarin janë arrestuar dhe intervistuar në bazë të procedurave ligjore”, thuhet në njoftim.

Prokurori i shtetit ndaj të dy të dyshuarve ka lëshuar masën e ndalimit për 48 orë dhe ndaj tyre do të ngritët kallëzim penal për veprën penale “Posedimi, i paautorizuar i substancave narkotike, psikotrope ose analoge”./Arbresh.info/