Paneli i Gjykatës së Apelit të Dhomave të Specializuara të Kosovës ia ka ulur dënimin Salih Mustafës, duke ia zbritur në 15 vjet burgim nga 22 vjet sa i ishin shqiptuar.
Vendimi është marrë sot, shkruan Arbresh.info.
“Më 10 shtator 2024, Paneli i Gjykatës së Apelit në çështjen Prokurori i Specializuar kundër Salih Mustafës shqiptoi dënimet individuale ndaj z. Mustafa për krimet e luftës të ndalimit arbitrar, torturës dhe vrasjes së paligjshme prej tetë, 13 dhe 15 vjet burgim si dhe ia shqiptoi dënimin e njësuar prej 15 vitesh burgim, duke llogaritur dhe kohën në paraburgim”, thuhet në vendim
“Paneli i Apelit përbëhej nga gjykatësit Mishelë Pikar, Kai Ambos dhe Nina Jorgensen. Paneli nxori vendimin e tij lidhur me përcaktimin e ri të dënimit të z. Mustafa në përputhje me rregullën 194(1)(b) të Rregullores. Vendimi ka ndjekur udhëzimet e vendimit të Panelit të Gjykatës Supreme të datës 29 korrik 2024, lidhur me kërkesën e z. Mustafa për mbrojtjen e ligjshmërisë, i cili anuloi dënimin e z. Mustafa me 22 vjet burgim dhe ia ktheu çështjen përsëri Panelit të Apelit”, thuhet tutje./Arbresh.info/
Kurti për raportet me aleatët: Me ta konsultohemi, por vendi...
Kurti refuzon t’i japë notë raportit me Ramën: Në kuptimin e...
Përzgjedhja e mjekut familjar – 1 mjek do të ketë deri 2 mij...
Aksidenti në Badovc, Gashi: Dy trupa u gjetën në ujë, një në...
Përmirësohet situata nga përmbytjet në Vlorë, vijon pastrimi...
Jasir Asani në top formë, shënon sërish për fitoren e skuadr...