Policia e Kosovës, konkretisht njësia e antidrogës në Prizren, gjatë punës operative në teren ka pranuar informacione relevante se në një lokacion në Prizren gjinden substanca të dyshuara narkotike.
“Në ora 14:45 sipas urdhrit verbal tё pranuar nga Gjyqtari i Procedurës Paraprake në Prizren, Njësia e antidrogës në Prizren, nё asistim tё patrullave policore dhe forenzikёs sё stacionit policor nё Prizren, kanë ndërmarr një operacion bastisje në lokacionin/shtëpinë ku kishte dyshime sipas informacionit paraprak se gjendej substanca narkotike”, thuhet në njoftimin e PK.
Gjatë operacionit të bastisjes në vendin e ngjarjes, në flagrancë duke paketuar substancën narkotike, nga Policia janë arrestuar katër persona tё dyshuar, si dhe janë sekuestruar si prova materiale dëshmitë si në vijim:
32 qese najloni tё ndara me substancë të dyshuar narkotike tё llojit Marihuan me peshё tё pёrgjithshme: 1 kg. e 118 gr.
Tri qese të mbushura me substancë të dyshuar për narkotike lloji KOKAIN me peshë 0.79 gram
Një peshore elektronike
Katёr telefona mobil
Veturë e markës Ford
Disa qese plastike tё zbrazura qё dyshohet se do tё përdoreshin për paketimin e substancave narkotike.
Tё dyshuarit janё shoqёruar nё stacionin policor nё Prizren, ku janё intervistuar në prezenc tё avokatёve mbrojtёs tё caktuar sipas detyres zyrtare.
Pas intervistimit tё tyre me vendim mbi ndalimin tё lёshuar nga Prokurori i Shtetit nё Prizren, tё gjithё tё dyshuarit ndalohen pёr 48 orë për procedura të mëtejme ligjore./arbresh.info/
Pozicioni që ju ndihmon të flini më mirë gjatë natës
BE do të vendosë sanksione të reja ndaj Iranit
KEDS tregon se ku do të ketë ndërprerje të rrymës të shtunën...
Media spanjolle: Bumi i turizmit katapulton ekonominë e Shqi...
Vizita e Erdogan në Serbi, Turqia do zhvillojë industrinë e ...
Kosova U21 pëson humbje të thellë nga Polonia U21 në kualifi...