Ambasadorja e Shteteve të Bashkuara për Drejtësinë Penale Globale, Beth Van Schaack, ka thënë se Gjykata Speciale në Hagë po kontribuon në vendosjen e së drejtës brenda Kosovës.

Në një intervistë për gazetarin Beth Van Schaack, ambasadorja foli për rendësin e kësaj gjykate e cila po mban në paraburgim ish-krerët e UÇK-së.

“Jo, ne kemi qenë prej kohësh përkrahës të Dhomave të Specializuara të Kosovës, e cila në thelb është një gjykatë kosovare, por e ulur jashtë territorit në Hagë dhe përfiton nga një model hibrid, ku një numër i ekspertëve ndërkombëtarë janë duke shërbyer në pozita kyçe në atë institucion. Kështu për shembull, kryeprokurorja, Kim Ëest, është një avokate e Shteteve të Bashkuara. Ne e kemi dërguar atë, në thelb, për të mbështetur punën e Dhomave të Specializuara të Kosovës”, tha Van Schaack, transmeton Arbresh.info.

“Është jashtëzakonisht e rëndësishme që ne të vazhdojmë ta mbështesim atë institucion si bashkësi ndërkombëtare. Është duke gjykuar krimet nga lufta në Kosovë, por gjithashtu po kontribuon në vendosjen e shtetit të së drejtës brenda Kosovës. Dhe kështu ne po bëjmë gjithçka që mundemi për ta mbështetur atë institucion ndërsa ai vazhdon punën e tij. Ka një çështje të madhe që po ecën përpara, e cila përfshin ish-kreun e shtetit, por ka edhe një sërë rastesh të tjera, duke përfshirë çështjet që përfshijnë përpjekje për të minuar administrimin e drejtësisë. Dhe kjo përfshin rastet që përfshijnë ngacmime të mundshme të dëshmitarëve ose frikësimin e dëshmitarëve. Dhe kështu këto raste janë po aq të rëndësishme, sepse kanë të bëjnë me ndërtimin e një shteti të së drejtës dhe një sistemi gjyqësor që është në gjendje të funksionojë pa iu nënshtruar presionit të jashtëm nga individë apo subjekte që nuk do të donin t’i shihnin këto çështje të ecin përpara”, shtoi tutje Van Schaack./Arbresh.info