Google ADS

Ambasadori i Kosovës në Austri tregon si është situata momentale në Vjenë

20:51 | 3 Nëntor 2020
M. A.

Ambasadori i Republikës së Kosovës në Austri, Lulzim Pllana ka folur për situatën në Vjenë pas sulmeve të mbrëmshme.

Pllana ka thënë se në Vjenë ka filluar të kthehet qetësia por jo edhe normaliteti.

“Qyteti ka filluar që t’i kthehet qetësisë. Sot po ashtu nga ora 20:00 ka hyrë në fuqi ligji për parandalimin e COVID-19, ku kufizohet lëvizja”, tha ai.

Ambasadori i Republikës së Kosovës në Austri thotë se edhe vet në momentin e sulmit ka qenë dëshmitarë i të shtënave dhe krijimit të kaosit.

“Ne menjëherë kemi bërë thirrje për të evituar transportin publik dhe daljen ne qendër të qytetit”.

Pllana thotë se Ambasada nuk mund të japë asnjë koment në lidhje me sulmuesin apo origjinën e tij.

“Është tragjike të flitet për këtë sulm, e lëre më të përmenden edhe emra”, deklaroi ndër të tjera Lulzim Pllana në RTV Dukagjini.

I dyshuari kryesor për sulmin terrorist në Austri mendohet se është Kujtim Fejzullahu me origjinë nga fshati Çellopek në Tetovë.

Shpërndaje në rrjete sociale

Lajmet më të lexuara

Të ngjashme

Foto lajm