Google ADS

Ambasadori i Kosovës në Austri: Situata jashtëzakonisht e tensionuar, apeloj tek qytetarët të evitojnë vendet publike

23:37 | 2 Nëntor 2020
Arbresh.info

Ambasadori i Kosovës në Austri, Lulzim Pllana, konfirmoi sërish se nuk ka qytetarë nga Kosova të përfshirë në sulmin terrorist që ndodhi sonte në Vjenë.

Pllana në Edicionin Special në Klan Kosova bëri të ditur se situata është jashtëzakonisht e tensionuar teksa u bëri thirrje qytetarëve të evitojnë vendet publike.

“Ne ende nuk kemi të konfirmuar sa i përket qytetarëve tanë. U bëjmë thirrje qytetarëve që të qëndrojnë brenda dhe të evitojnë vendet publike”.

“Situata është jashtëzakonisht e tensionuar, tërë nata do të mbetet në aksionin e policisë dhe u lutem qytetarëve nga Kosova këtu që të qëndrojnë brenda dhe mos dalin jashtë, si dhe të përcjellin vetëm të dhënat zyrtare”, deklaroi Pllana

“Qytetarët po thërrasin në numrin që kemi bërë publik, ne jemi këtu për ta në çdo kohë”.

“Deri tani nuk ka asgjë për t’u shqetësuar, po i presim autoritetet lokale të jenë në gjendje gatishmërie dhe qytetarët të jenë vigjilent dhe të evitojnë daljet”, deklaroi Pllana.

Autoritetet e konsiderojnë “terrorist” sulmin në Vjenë

Shpërndaje në rrjete sociale

Lajmet më të lexuara

Të ngjashme

Foto lajm