Ambasadori gjerman reagon për sulmet ndaj gazetarëve: Mediet duhet të lejohen të punojnë lirshëm

11:50 | 27 Dhjetor 2022
Vjollca Gajraku

Ambasadori i Gjermanisë në Kosovë, Jorn Rohde ka reaguar pas sulmeve ndaj gazetarëve në veri të Mitrovicës.

Ai përmes një reagimi në Twitter ka thënë se ambasada gjermane dënon dhunën ndaj gazetarëve.

“Ambasada gjermane në Prishtinë dënon ashpër edhe një herë dhunën ndaj gazetarëve. Mediat duhet të lejohen të punojnë lirshëm dhe pa frikë nga dhuna. Ne urojmë shërim të shpejtë ekipit të televizionit Klan Kosova”, thuhet në reagimin e ambasadorit.

Gjatë ditës së djeshme u sulmuan ekipi i një mediumi kosovar me gurë nga persona të maskuar derisa po shkonin për të raportuar për situatën në Zubin Potok.

Si pasojë e sulmit gazetarja dhe shoferi kanë marrë lëndime si dhe kanë pranuar tretman mjekësor. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm