Ambasadori i Gjermanisë në Kosovë, Jorn Rohde, është pajtuar me deklarimet e raportueses për Kosovën në Parlamentin Evropian, Viola von Cramon, se procesi i liberalizimit të vizave për kosovarët duhet të finalizohet.
Rohde ka shpërndarë në llogarinë e tij në Twitter, deklarimet Von Cramon për liberalizimin e vizave për Kosovën dhe ka shkruar “pajtohem plotësisht”.
“Procesi i liberalizimit të vizave do të finalizohet. Shpresojmë se do të kemi një datë kur do të ndodhë liberalizimi i vizave. E pashë që kjo ishte për herë të parë në agjendën e grupit punues të Këshillit të Bashkimit Evropian, të enjten e kaluar. Ende nuk është marrë një vendim i qartë, do të ketë një votim tjetër nga mesi i nëntorit ose në fillim të dhjetorit”, ka shkruar Von Cramon.
“Prapa skenave, ne po punojmë shumë për të parë vendim pozitiv [për vizat]”, ka shtuar ajo.
Në vitin 2018, Komisioni Evropian konstatoi se Kosova i ka përmbushur të gjitha kriteret dhe ka propozuar liberalizimin e vizave. /arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite