Google ADS

Ambasada Britanike: Skenat e djeshme në Skenderaj janë zhgënjyese

18:59 | 2 Shkurt 2021
L G

Kreu i Lëvizjes Vetëvendosje, Albin Kurti nuk u prit aspak mirë të hënën nga një grup qytetarësh në Skenderaj.

Madje Kurti kishte shkuar në Skenderaj nën përcjelljen e Njësisë Speciale të Kosovës, për të cilën edhe u kritikua nga PDK, e cila ka si bastion këtë komunë.

Kjo ka bërë që Ambasada e Britanisë në Kosovë të reagojë, shkruan arbresh.info.

Përmes një postimi në Twitter kjo ambasadë ka theksuar se të gjitha palët duhet të jenë në gjendje të bëjnë fushatë të lirë dhe pa kërcënime e sulme fizike.

“Skenat e djeshme në Skenderaj janë zhgënjyese dhe të dëmshme për një demokraci të re. Të gjitha palët duhet të jenë në gjendje të bëjnë fushatë të lirë pa kërcënimin e sulmit fizik ose verbal”, thuhet në reagimin e Ambasadës Britanike në Kosovë.

Ndryshe, derisa Kurti po takonte përkrahësit e tij në këtë komunë, disa qytetarë brohoritnin emrin e ish-presidentit, Hashim Thaçi dhe “UÇK” ./arbresh.info/

LEXO EDHE:

Njësia Speciale e ruan Albin Kurtin gjatë vizitës në Skenderaj, qytetarët brohorasin “Hashim Thaçi” dhe “UÇK” – Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm