Google ADS

Ambasada amerikane për marrëveshjen e energjisë mes Kosovës dhe Serbisë: Qytetarët në të dy vendet përfitojnë

17:48 | 21 Qershor 2022
L G

Ambasada e Shteteve të Bashkuara të Amerikës (SHBA) në Prishtinë, ka reaguar pas arritjes së marrëveshjes Kosovë-Serbi për energjinë.

Ambasada ka mirëpritur këtë marrëveshje, duke kërkuar nga dy vendet që të vazhdojnë angazhimin urgjent dhe të hapur në dialogun e lehtësuar nga Bashkimi Evropian, shkruan arbresh.info.

“Marrëveshja e sotme e udhërrëfyesit për energjinë është dëshmi se kur Kosova dhe Serbia angazhohen me kreativitet dhe fleksibilitet, qytetarët në të dy vendet përfitojnë. “SHBA u kërkon të dyja vendeve që të vazhdojnë të ndërtojnë këtë sukses përmes angazhimit urgjent dhe të hapur në dialogun e lehtësuar nga BE”, thuhet në reagimin e ambasadës në Twitter.

Ndryshe, Kosova e Serbia me ndërmjetësimin e Brukselit sot kanë arritur të nënshkruajnë të martën marrëveshjen për energjinë, e cila parasheh faturimin e energjisë elektrike për komunat veriore të Kosovës. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm