Kryetari i Lëvizjes Vetëvendosje, Albin Kurti,përmes një konference për medie  ka kërkuar urgjentisht të krijohet një komision parlamentar për hetimin e Demarkacionit, shkruan arbresh.info.

Kurti, madje ka shtuar se Vetëvendosja që sot do të filloj me mbledhjen e nënshkrimeve për këtë iniciativë.

“Kuvendi i Republikës së Kosovës duhet urgjentisht të formojë Komisionin Hetimor Parlamentar ku do të shqyrtohet çështja e demarkacionit me Malin e Zi. Lëvizja Vetëveodjse qysh sot fillon me mbledhjen e nënshkrimeve për këtë iniciativë . Ne këtë qëndrim tonin e kemi titulluar “Mashtrimi nuk kalon”,ka thënë ai.

Ai ka deklaruar se për Lëvizjen Vetëvendosje kjo deklaratë është e papranueshme.

“Për Lëvizjen Vetëvendosje kjo deklaratë është e pa pranueshme sepse është e padrejtë dhe mashtruese. Së pari teksti i kësaj deklarate nuk është dashur të nënshkruhet pa njoftimin, dijeninë dhe diskutimin e institucioneve të Kosovës. Shteti i pavarur i Kosovës është Republikë Parlamentare . Së dyti kjo deklaratë konfirmon marrëveshjen e 26 gushtit 2015 të nënshkruar në Vjenë. Janë 205 mijë nënshkrime në peticionin e vjeshtës të vitit 2015 në kundërshtim të kësaj marrëveshje “, ka thënë ai.

Sipas tij, kjo deklaratë ndryshe është në gjuhën shqipe e në atë angleze.

Deklarata Thaçi dhe Vujanoviq është mashtrim . Lëvizja Vetëvendosje dëshiron dhe synon marrëveshje të drejtë dhe të vërtetë me Malin e Zi . Ne angazhohemi për marrëdhënie s amë të mira me Malin e Zi me të cilin ndajmë përkushtimin për integrimin në Bashkimin Evropian dhe në NATO. /arbresh.info/