Lideri i Vetëvendosjes, Albin Kurti, është duke u deklaruar pas intervistimit nga prokuroria në lidhje me kallëzimin penal kundër Thaçit e Veselit.

“Edhe 10 ditë bëhen 1 vit prej kur zoti Thaçi e zoti Veseli kanë deklaruar se në njërën ane Vetëvendosje është krahu i armatosur i organizatës së ashtuquajturës ‘Syri i Popullit’. Mandej kanë akuzuar se kemi inspiruar dhe udhëhequr atë organizatë. Kërkoj që të shndërrohet në aktakuzë ndaj zotit Thaçi dhe Zotit Veseli, dhe te mundësohet një proces i drejte për deklarimet e rreme. Ky proces duhet të përfundoje me dënimin e e këtyre te dy të dyshuarve. Kam bërë edhe kërkesën pasurore për zhdëmtim”, është shprehur Kurti, raporton arbresh.info.

Me 25 prill të këtij viti Albin Kurti, kryetari i Lëvizjes, dhe Glauk Konjufca, asokohe drejtues i Grupit Parlamentar, në Departamentin për Krime të Rënda të Prokurorisë Themelore në Prishtinë bënë kallëzim penal kundër z. Hashim Thaçi dhe z. Kadri Veseli, për lajmërim apo kallëzim të rremë (sipas kuptimit të Nenit 382, par. 1, 2 dhe 4), dhe deklaratë të rreme nën betim (sipas kuptimit të Nenit 383, par. 1 dhe 2, të Kodit Penal të Republikës së Kosovës (KPRK) Nr. 06/L-074.)