Lideri i Vetëvendosjes, Albin Kurti, nuk ka saktësuar kohën e vazhdimit të negociatave me liderin e Lidhjes Demokratike të Kosovës, Isa Mustafa.
“Me siguri që duhet të ketë takim këtë javë por nuk dua të ndërhyjë tek LDK. Besojmë se mbledhja e Këshillit të Përgjithshëm të subjektit tonë do të mbahet pas marrëveshjes dhe jo para marrëveshjes. Mbetet të shihet se kjo mbledhje a është thirrur për t’i betonuar qëndrimet me kërkesat e njohura apo është thirrur për ta mundësuar marrëveshjen me neve. Nuk mund të ketë takime përderisa thirren organet më të larta të subjekteve”, është shprehur Kurti para medieve.
Ai beson se më 26 dhjetor do të arrijë të dakordohet me LDK-në edhe për ndarjen e të gjitha përgjegjësive.
“Besoj se ashtu siç ka vendosur populli ta kemi një qeveri të re në mënyrë që ta ç’kapim shtetit, këta që janë shkaku kryesor i korrupsionit të lartë. Jam i gatshëm për këtë ndryshim. Besoj që sa më parë të merremi vesh, aq më mirë do të jetë. Dhe, me 26 dhjetor do të shkojmë me marrëveshjen që do të ketë edhe ndarjen e përgjegjësive”, deklaroi Kurti.
LDK-ja nga ora 14:30 ka thirrur Këshillin e Përgjithshëm në lidhje me negociatat që po zhvillon me Vetëvendosjen për formimin e qeverisë./arbresh.info/
Erdogan, Vuçiqit: I rëndësishëm vazhdimi i dialogut me Kosov...
Shoqëria civile në Beograd kërkon të zbatohen marrëveshjet e...
Turqia kërkon që komuniteti ndërkombëtar të ndërhyjë në Lind...
Rohde pas takimit me Orav: Pres që bashkërisht ta sjellim Ko...
Ronaldo mungon në fitoren e Al-Nassr
Një vit nga sulmi i Banjskës, Sveçla: Donin të aneksonin ver...