Aksioni i Krimeve Ekonomike në Prishtinë, Pejë dhe Gjakovë, arrestohen tre persona

15:37 | 30 Qershor 2023
L G

Krimet Ekonomike të Policisë së Kosovës kanë realizuar një aksion në tri qytetet të ndryshme, në Prishtinë, Pejë dhe Gjakovë.

Gjatë këtij aksioni, sipas zëdhënësit të Policisë së Kosovës, Baki Kelani tre persona janë shoqëruar në polici, raporton Arbresh.info.

“Policia e Kosovës, në këtë rast Drejtoria për Hetimin e Krimeve Ekonomike, ka realizuar dy operacione të ndara, në tri rajone si në Prishtinë, Prizren dhe Pejë. Operacionet policore deri më tani kanë rezultuar me shoqërimin e tre personave të dyshuar”, tha Kelani për Arbresh.info.

Të gjitha veprimet e mëtejme, sipas tij, do të ndërmerren në bashkëpunim dhe koordinim me organet e drejtësisë.

Pas përfundimit të operacioneve, do të bëhen të ditura informacionet shtesë./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm