Policia rajonale në Ferizaj, ka dhënë detaje lidhur me aksidentin në rrugën “Tahir Sinani”, ku një veturë Golf2, kishte dalë nga rruga.

Sipas PK-së deri të aksidenti kishte ardhur pasi drejtuesi i veturës nuk kishte përshtatur lëvizjen me kushtet te rrugës.

“Njësia Rajonale e Komunikacionit Rrugor i ka marr veprimet e nevojshme për ta hetuar këtë aksident . Deri te aksidenti dyshohet të ketë ardhur kur, automjeti VW Golf ka lëvizur nga rruga ‘’Dëshmorët e Kombit ‘’ në drejtim rrugës ‘’Tahir Sinani ‘’, duke mos përshtatur shpejtësinë e lëvizjes së automjetit dhe kushtet e rrugës me ngrica, nuk mund të ndalon, del jashtë rrugës dhe përfundon në hekurudhë, ku veç dëmeve të shkaktuara materiale lëndime trupore pëson shoferi i automjetetit me inicialet R.H ( M/K) i moshës 21 vjeçar i cili ka pranuar ndihmë mjekësore në Qendrën Emergjente në Ferizaj”, thuhet në komunikatë.

Në lidhje me këtë, policia ndaj shoferit R.H ka iniciuar fletëparaqitjen për aksidentin e shkaktuar sipas ligjit të komunikacionit rrugor nga neni 255.2 dhe 53.4 prej 250 euro, ndërsa në anën tjetër ka iniciuar edhe një fletëparaqitje ndaj personit që i është besuar të mirëmban rrugët nga kompania përkatëse, me inicialet P.B (M/K) 40 vjeçar sipas ligjit të komunikacionit rrugor, nga neni 202.2 prej 200 euro.

Me këtë rast, Drejtoria Rajonale e Policisë në Ferizaj, apelon tek shoferët e automjeteve që të respektojnë shpejtësinë e kufizuar të lëvizjes dhe të përshtatin shpejtësinë në raport me kushtet e rrugës, me qëllim parandalimin e aksidenteve.
Veprimet e tilla rrezikojnë direkt jetën e pjesëmarrësve në komunikacion./Arbresh.info/