Aksident në magjistralen Prishtinë-Gjilan, gjashtë persona të lënduar

17:54 | 5 Prill 2022
A. B.

Pasditen e sotme ka ndodhur një aksident trafiku në magjistralen Prishtinë-Gjilan, më saktësisht në fshatin Slivovë.

Në aksident janë përfshirë katër automjete, këtë e ka konfirmuar për arbresh.info zëdhënësi i Policisë së Kosovës për rajonin e Prishtinës, Agron Borovci.

Borovci ka deklaruar se si pasojë e aksidentit janë lënduar gjashtë persona, të cilëve i është ofruar ndihma mjekësore.

Tutje ai ka bërë të ditur se në vendin e ngjarjes kanë dalë njësitet e policisë dhe janë duke ndërmarrë veprimet e nevojshme për ndriçimin e shkaqeve që kanë sjellë deri te aksidenti. /arbresh.info /

Shpërndaje në rrjete sociale

Lajmet më të lexuara

Të ngjashme

Foto lajm