Aksident i rëndë në tunelin e Kalimashit: Një i vdekur dhe disa të lënduar

21:22 | 7 Janar 2022
S D

Një aksident i rëndë ka ndodhur në tunelin e Kalimashit teksa ka humbur jetën pasagjerja E.S dhe janë lënduar 4 të tjerë.

Burime për albeu.com bëjnë me dije se ngjarja ka ndodhur pak minuta më parë brenda tunelit në drejtim të Tiranës, ndërsa të plagosurit i kanë nisur drejt spitalit të Kukësit.

Shërbimet e policisë, urgjencës, dhe zjarrfikësit kanë shkuar në vendngjarje.

Njoftimi i policisë:

Më datë 07.01.2022, në brendësi të tunelit të Kalimashit janë përplasur dy automjete, me drejtues shtetasit Gj.M., banues në Shkopet dhe N.Z., banues në Kosovë. Si pasojë e aksidentit ka ndërruar jetë pasagjerja E.S., banuese në Shkopet, si dhe janë plagosur 4 shtetas të tjerë, të cilët janë transportuar në spitalin e Kukësit. Grupi hetimor dhe shërbimet e Njësisë për Sigurisë Rrugore të autostradës Kalimash- Morinë, ndodhen në vendin e ngjarjes dhe po punojnë për sqarimin e rrethanave dhe shkakut të aksidentit. /albeu.com/

Shpërndaje në rrjete sociale

Lajmet më të lexuara

Të ngjashme

Foto lajm