Dega e Aleancës Kosova e Re (AKR) në Drenas ka konfirmuar se do të mbajnë premtimin e dhënë për ndërtimin e fabrikës së kërpudhave. Madje të martën sipas kryetarit të AKR-së në Drenas, Elmi Thaqi do të dorëzohet edhe kërkesa në Komunë për leje ndërtimi.
“Të martën do të paraqesim kërkesë për lejë ndërtimi në Komunën e Drenasit dhe shpresojmë se në këtë drejtim nuk do të na dalin pengesa. Fabrika do të nis së ndërtuari menjëherë pas marrjes së lejes dhe e njëjta për një kohë do të jetë në funksion, ku do të punësohet rinia e këtij rajoni”, ka thënë Thaqi.
Ai thotë se e ka mbështetjen e fuqishme të Presidentit të partisë Behxhet Pacolli dhe se ky do të jetë vetëm një prej shumë projekteve që do të realizohen në komunën e Drenasit dhe në gjithë Kosovën.
“Presidenti Pacolli është njeri i fjalës. Ai ka premtuar se do të ndërtohet fabrika në Drenas dhe ajo së shpejti do të nis së ndërtuari. Pra nuk ka qenë vetëm premtim fushate, por një premtim që se shpejti do të shihet”, ka thënë Elmi Thaqi duke shtuar se me ardhjen e AKR-së në pushtet, do të lulëzoj ekonomia në nivel vendi dhe do të hapen mijëra vene të reja punë.
Ia ka vu qëllimin vetes, Burim ‘sulltani’ do dasmë brenda Bi...
Prokuroria Themelore në Prishtinë: Rasti “AlbkingsR...
E njohin si Lela, por ja si është emri i vërtetë i saj!
Sulmi në Turqi, Osmani: Qëndrojmë me aleatin tonë
Shtetet tjera solidarizohen me Turqinë, shprehin ngushëllime...
Konjufca takon përfaqësuesit e Eurochambers, flasin për mëny...