Kryesia e Kuvendit të Kosovës në takimin e sotëm ndër të tjera për seancën e ardhshme plenare në pikën 5 (pesë) të Rendit të Ditës ka vendosur që të debatoj lidhur me “Shqyrtimi i rekomandimeve të dala nga shqyrtimi i Raportit të Auditimit për pasqyrat financiare vjetore të KRM Pastrimi Sh.A, për vitin 2021”.
Bordi i Asociacionit të Komunave të Kosovës vlerëson se KRM “Pastrimi” Sh.A. është Ndërmarrje Publike Lokale dhe shqyrtimi i Raporteve të auditimit të saj bëhet në organet dhe strukturat komunale e jo në Kuvendin e Kosovës. Sipas Ligjit për Ndërmarrjet Publike, Ndërmarrjet Publike Lokale i përgjigjen vetëm Komisionit Komunal të Aksionarëve, të cilët i përgjigjen pastaj institucioneve Komunale.
Po ashtu, në bazë të Ligjit mbi Ndërmarrjet Publike, KRM “Pastrimi” është në pronësi të komunave sipas përqindjes së aksioneve si është përcaktuar me ligj, përkatësisht në Statutin e kompanisë.
Bordi i AKK-së vlerëson se ky veprim është ndërhyrje direkte e institucioneve qendrore në kompetencat dhe detyrat e nivelit lokal.
Në këtë mënyrë, Kuvendi i Kosovës me apo pa vetëdije, me theks të veçantë, po shkel mbi Ligjin për Vetëqeverisje Lokale dhe Ligjin për Ndërmarrjet Publike.
Andaj është momenti i fundit që institucionet qendrore, në këtë rast Kuvendi i Kosovës të trajtoj tema që nuk kanë të bëjnë me nivelin qendror por që janë çështje të nivelit lokal, Komunave me këtë rast./Arbresh.info/
Osmani pas takimit me Von Der Leyen kërkon heqjen e masave t...
Pesë të vrarë nga sulmet ruse në Ukrainë
Abdixhiku: Organet e drejtësisë të japin rezultate të shpejt...
LDK dënon ashpër sulmin e dhunshëm ndaj Gazmend Muhaxherit
Punimet në rrugën Prishtinë-Mitrovicë, Ahmeti: Piramidat dhe...
Sulmohet fizikisht kryetari i Pejës Gazmend Muhaxheri, dekla...