Google ADS

Ahmeti me deputetët belgë për ndaljen e kaosit urbanistik

13:30 | 27 Prill 2017
Arbresh.info

Kryetari i Komunës së Prishtinës, Shpend Ahmeti, priti sot në takim një delegacion të deputetëve nga pjesa frankofone e Belgjikës, ku u diskutua për projektet e realizuara në Komunën si dhe për problemet me të cilat ballafaqohemi si shtet.

Duke folur për Prishtinën, Ahmeti numëroi 11 zotimet e realizuara për 3 vite, nga 12 sa ishin gjithsej, duke filluar nga furnizimi me ujë, reforma në transport publik, dyfishimi i numrit të çerdheve, reforma në shëndetësi e arsim, trajtimi i barabartë dhe hapja e komunës ndaj qytetarëve. Gjithashtu, u diskutua për luftimin e korrupsionit dhe krimit të organizuar në Prishtinë, me theks të veçantë tek ndalja e kaosit urbanistik.

Nga problemet kryesore të shtetit të Kosovës, Ahmeti veçoi qasjen e gabuar të Qeverisë sonë, sidomos në politikë të jashtme, si dhe nivelin e lartë të korrupsionit dhe papërgjegjësisë institucionale.

Deputetët e pranishëm në këtë takim vlerësuan lart punën e Komunës së Prishtinës, dhe shprehën interesim për bashkëpunim të mëtutjeshëm, duke i ngritur temat problematike të shtetit tonë në institucionet ku veprojnë.

17917722_1499600546751830_8018592179231278316_o 18155858_1499600540085164_8352105878858133969_o 18155903_1499600543418497_4980001804414593142_o 18156468_1499600636751821_3731562705740819854_o

Shpërndaje në rrjete sociale

Lajmet më të lexuara

Të ngjashme

Foto lajm