Kryetari i Komunës së Prishtinës, Shpend Ahmeti i shoqëruar edhe nga nënkryetari Selim Pacolli janë takuar me ministrin e Infrastrukturës Pal Lekaj dhe zëvendësin e tij Rexhep Kadriu.
Sipas një njoftimi për media gjatë takimit u diskutuan projektet konkrete të cilat i takojnë bashkëpunimit të komunës së Prishtinës dhe Ministrisë së Infrastrukturës.
“ Pjesë e diskutimit ishin sfidat e projekteve të cilat duhet të zgjidhen këtë vit por edhe planifikimi i buxhetit të vitit të ardhshëm dhe gatishmëria e Qeverisë së Kosovës për të financuar disa projekte të rëndësishme për kryeqytetin siç është rruga A. Me ndërtimin e kësaj rruge do të bëhet lidhja e lagjes së Spitalit dhe lagjes Kalabria , do ndikohet në shkarkimin e trafikut në qytet por edhe do të mundësohet vazhdimi i rrugës B, me ç’rast do të përfundohet një pjesë e rëndësishme e infrastrukturës rrugore në Prishtinë”, thuhet në njoftimin për media.
Në këtë takim u diskutuan edhe projektet si ndërtimin e rrugës nga rrethi i Fushë Kosovës deri në lagjen Arbëria, zgjerimin e rrugës së Veternikut, si dhe projekte të tjera të ngjashme.
Kryetari Ahmeti tha se takimet si ky janë me interes kur është në pyetje cilësia e jetës së qytetarëve.
Ai falënderoi ministrin Lekaj për mbështetjen dhe theksoi se asnjëherë më parë nuk ka pasur përkrahje më të madhe nga Qeveria se sa gjatë këtij mandati.
Hapja e grupkapitujve të parë me BE, Rama: Nevojiten reforma...
Hasani takon Ardita Sinanin, rikonfirkon mbështetjen e qever...
Ten Hag konfirmon interesimin e klubit për transferimin e lo...
Gjenerallejtënant Bashkim Jashari qëndroi në vizitë zyrtare ...
Ferronikeli kërkon fitoren e parë, Drita vazhdimin e ecurisë...
Rumania thotë se edhe një dron tjetër shkeli hapësirën e saj...