Ahmetaj: Agjenda evropiane, prioritet i Qeverisë së re

08:21 | 29 Korrik 2017
Arbresh.info

Ministrja në detyrë e Integrimit Europian, Mimoza Ahmetaj, ka thënë se Kosova ka para vetes një mori mesazhesh të agjendës evropiane të cilat kërkojnë aprovimin nga Kuvendi i Kosovës.

Në një intervistë për ‘Epokën e Re’, Ahmetaj ka theksuar se në procesin integrues, prioritetet kryesore të Qeverisë së re do të jenë liberalizimi i vizave, implementimi i MSA-së, aprovimi nga ana e Kuvendit për Fondin IPA 2016, qasja e Kosovës në programet e BE-së dhe Reforma për Agjendën Evropiane.

Ajo ka shprehur optimizëm se obligimet që ka Kosova në aspektin integrues, ku bën pjesë edhe liberalizimi i vizave, të përmbushen këtë vit.

Ahmetaj ka thënë se është e gatshme që edhe në Qeverinë e re të drejtuar nga PAN-i ta ushtrojë detyrën e ministres së Integrimit Europian.

Shpërndaje në rrjete sociale

Lajmet më të lexuara

Të ngjashme

Foto lajm