Ahmet Isufi thotë se qeveria ka gjasa të përfundojë mandatin me këtë përbërje

22:47 | 9 Korrik 2019
L G

Deputeti në Kuvendin e Kosovës nga radhët e Aleancës për Ardhmërinë e Kosovës, Ahmet Isufi, ka vendosur të përfshihet në debatin rreth mocionit që po pritet të iniciohet nga partitë opozitare.

Ka pasur shumë deklarata kohëve të fundit rreth asaj se kur pritet të iniciohet mocioni. Deputetë të shumtë të opozitës kanë deklaruar se ka shumë gjasa që mocioni të hidhet në votim pasi që tani më Kuvendi është në pushim veror.

Isufi në një debat në RTV Dukagjini ka demantuar këto deklarata.

“Gjasat janë që qeveria të përfundojë mandatin me këtë përbërje”, ka thënë ai.

Opozita nuk ka mundur të hedhë në votim mocionin para pushimit përkundër këmbënguljes së Lëvizjes Vetëvendosje për këtë gjë. Partia tjetër më e madhe opozitare për momentin është në procesin e zgjedhjeve të brendshme dhe ka deklaruar se nuk do hedhin mocion për votim në Kuvend deri sa të jenë të sigurt që do kenë 61 votat e nevojshme për rrëzimin e qeverisë./Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm