Google ADS

AGK-ja reagon pas sjelljes së Hekuran Muratit me gazetaren

12:11 | 15 Dhjetor 2020
V. S.

Asociacioni i Gazetarëve të Kosovës (AGK) ka reaguar ndaj sjelljes së deputetit të Lëvizjes Vetëvendosje, Hekuran Murati në drejtim të gazetares Leoreta Abazi, të cilën e ka cilësuar si të pahijshme dhe të papranueshme.

Murati përderisa ishte pyetur se sa para të kursyera i ka në Trust, ia ka kapur dhe shtyer mikrofonin gazetares. Për AGK-në, një sjellje e tillë nga një deputet i Kuvendit të Republikës së Kosovës, është arrogante dhe e papranueshme.

“Gazetarët kanë të drejtë të parashtrojnë pyetje pa kërkuar leje paraprake, po aq sa kanë të drejtë zyrtarët politikë dhe shtetërorë të përgjigjen ose të mos përgiigjen në to. Por, asnjëherë të tentojnë t’i pengojnë kolegët tanë në ushtrimin e profesionit. Asociacioni i Gazetarëve të Kosovës u bën thirrje të gjithë akterëve politikë dhe publikë që të mos i pengojnë gazetarët në kryerjen e detyrës së tyre”, thuhet në reagimin e tyre.

Shpërndaje në rrjete sociale

Lajmet më të lexuara

Të ngjashme

Foto lajm