Google ADS

AGK i quan “të rrezikshme, dhe thirrje për linçim” deklarimet e Dalipit

15:11 | 21 Mars 2022
arbresh.info

Asociacioni i Gazetarëve të Kosovës ka reaguar ndaj deklarimeve të Luan Dalipit, shefi i stafit të kryeministrit, Albin Kurti.

Dalipi, nëpërmjet një shkrimi në Facebook, sipas AGK-së, sot ka sulmuar në mënyrë të paprecedent mediet në Kosovë, duke i lidhur ato me “biznese kriminale”, dhe duke u bërë thirrje atyre që ai i ndanë në “qytetarë të dinjitetshëm”, t’i bojkotojnë ato.

“AGK-ja konsideron se thirrja e tillë publike e njeriut më të afërt të kryeministrit Kurti në qeveri është shumë e rrezikshme, dhe thirrje e hapur për linçim”, thuhet në reagim.

Sipas AGK-së, gjuha e zotit Dalipi është në vazhdimësi të sulmeve të individëve të shumicës parlamentare në Kosovë, që rrezikon direkt sigurinë e gazetarëve dhe rëndon klimën e të bërit gazetarit në vend./arbresh.info/

Një lajm i mirë për qytetarët (dhe lajm i keq për shpifësit)

Shpërndaje në rrjete sociale

Lajmet më të lexuara

Të ngjashme

Foto lajm