Lumir Abdixhiku i LDK’së thotë se kryeministri duhet ta udhëheq dialogun me Serbinë, ndërsa Presidenti duhet të mbajë pozitën ceremoniale që ka, pasi, siç thotë ai, fuqia politike është në duar të kryeministrit.
Deputeti i Grupit Parlamentar të LDK’së, Lumir Abdixhiku, në emisionin Frontal në T7, ndër të tjera ka folur edhe për zgjedhjet e reja, për të cilat është shprehur tejet optimist se LDK’ja do të marrë përsëri qeverisjen e vendit.
Gjithashtu ai është shprehur se domosdoshmëria për të shkuar në zgjedhje është edhe për shkak të bisedimeve, pasi ato do duhej të udhëhiqen nga Kryeministri e jo Presidenti.
Abdixhiku ka thënë se Kosova tani më shumë se për gjithçka tjetër, ka nevojë për zgjedhje të reja parlamentare, pasi bisedimet me Serbinë nuk mund të bëhen pa LDK’në, e kjo e fundit do t’i udhëheqë bisedimet, sepse sipas tij, do ta marrë qeverisjen e vendit përsëri, shkruan Gazeta Express.
“Duhet të kemi zgjedhje, sepse dialogu me Serbinë nuk duhet të udhëhiqet nga Presidenti, por nga Kryeministri, e ky do të jetë i LDK’së, pasi në zgjedhjet e ardhshme, ne do ta marrim qeverisjen e vendit, për këtë të jeni të sigurt”, është shprehur Abdixhiku.
Vuçiq flet me Putin: Nuk do të vendosim sanksione ndaj Rusis...
Maratona, Veliaj: Sa më shumë të zhvillohet Tirana, aq më sh...
Bajrami – Muratit: Të vetmit që po keqintrepretoni e po mani...
Maratona e Tiranës, shpallen fituesit në distancën 21 km
Barcelona ka gjetur tanimë zëvendësuesin e Lewandowskit, por...
Apeli vërteton dënimin me të cilin dy të akuzuarit në rastin...