Abdixhiku takohet me emisarin gjerman Sarrazin: Mbështetja e Gjermanisë jetike për Kosovën

18:14 | 13 Maj 2022
L G

Kryetari i Lidhjes Demokratike të Kosovës (LDK), Lumir Abdixhiku, ka pritur në një takim të dërguarin e Gjermanisë për Ballkanin Perëndimor Manuel Sarrazin, me të cilin ka biseduar për procesin e dialogut dhe anëtarësimin e Kosovës në organizata ndërkombëtare.

Abdixhiku, përmes një postimi në Facebook, ka thënë se mbështetja e Gjermanisë dhe Qeverisë së Kancelarit Scholz për Kosovën është jetike në proceset nëpër të cilat po kalon vendi ynë.

“Mbështetja e Gjermanisë dhe Qeverisë së Kancelarit Scholz ndaj Kosovës, është jetike në proceset tona përpara. LDK mbetet e përkushtuar ndaj partneritetit tashmë historik mes dy vendeve. Lëvizja e lirë, anëtarësimi në organizata ndërkombëtare e vet procesi i dialogut, kanë për garancë një relacion të tillë”, shkruan Abdixhiku./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm