Kryetari i Lidhjes Demokratike të Kosovës, Lumir Abdixhiku ka shpalosur programin politikë të LDK-së me qytetarë e grupe të interesit në Kosovë.

Shpalosja e programit nisi në Prishtinë në sektorin e ekonomisë, përcjell Arbresh.info.

Postimi i plotë:

Nga sot, përveç ‘Turneut të Ndryshimit’, nisëm dhe shpalosjen e programit politik me qytetarë e grupe të interesit në Kosovë.

E nisëm me Ekonomi, e nisëm me Prishtinë.

E nisëm duke shpalosur programin më transformues që ka pasur Kosova ndonjëherë, me ide sa ambicioze aq edhe rigjeneruese për ekonominë e vendit e shtetin tonë.

NE BESOJMË NË KOSOVË!

Besojmë në njerëzit tanë, punëtorët tanë ndërmarrësit tanë. Të gjithë bashkë janë forcë e pandalshme ekonomike, pasuri e vërtetë nacionale! Ata dhe ne, kemi nevojë për një shtet që ka ambicie, ka guxim e ka kompetencë! Ekipi im i ka këto!

Prandaj, me mua si Kryeministër, do të kemi:

– 5% rritje ekonomike
– 5 miliardë euro investime
– 5 miliardë euro buxhet në fund të mandatit
– Koeficient 150
– Pako Fiskale 2.0
– 0% TVSH për produkte bazike
– 170 milionë euro për Aviokompani Kombëtare
– Privatizimi i 51% akcioneve të Telekomit
– 80 milionë euro për qendrën moderne në Brezovicë
– 50 milionë euro për Qendrën e Skijimit në Pejë
– Themelimi i Ministrisë së ICT-së
– 120 milionë euro TECH FUND
– 30 milionë euro për Parkun Teknologjik
– Trajnimi i 40 mijë të rinjve në ICT
– 15 milionë euro për themelimin e Qendrës Kombëtare të Intelegjencës Artificiale.

BËHU NDRYSHIMI!

Sepse Kosova ka nevojë për ndryshim!/Arbresh.info