Abdixhiku: Njohja nga Izraeli forcoi dhe konsolidoi subjektivitetin ndërkombëtar të Kosovës

13:37 | 10 Gusht 2022
E.H

I pari i Lidhjes Demokratike të Kosovës Lumir Abdixhiku, ka pritur sot në takim ambasadoren e Izraelit në Kosovë, Tamar Ziv.

Abdixhiku në fillim e vlerësoi se njohja e Kosovës nga Izraeli është një moment shumë i rëndësishëm në forcimin dhe konsolidimin e subjektivitetit ndërkombëtar të Kosovës, thuhet në njoftim.

Gjatë takimit u diskutua edhe për sfidat dhe nevojën e thellimit të bashkëpunimit mes dy vendeve, si në rrafshin politik ashtu edhe në atë ekonomik.

Kryetari Abdixhiku e falënderoi ambasadoren Ziv për vizitën si dhe rolin e shtetit të saj në mbështetje të Kosovës, me ç’rast edhe u dakorduan që bashkëpunimi mes Republikës së Kosovës dhe Izraelit të intensifikohet edhe më tej.

Kujtojmë se gjatë ditës së djeshme ambasadorja e Izraelit është pritur në takim nga kreu i AAK-së Ramush Haradinaj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm