Deputeti i Lidhjes Demokratike të Kosovës, Lumir Abdixhiku duke iu drejtuar deputetëve në seancën plenare të Kuvendit ka thënë se nuk beson që ka vend tjetër në Evropë që e ka shëndetësinë më të sëmurë e që jep kaq pak pare për shëndet, shkruan arbresh.info.
“Nënat lindin nëpër korridore. Ata që kanë para kanë zgjedhur spitalet tjera”, ka thënë ai.
Sipas tij sikur ky parlament të kish trajtuar shëndetin, qytetarët do të kishin më shumë dinjitet dhe do ta kishin dashur më shumë këtë parlament.
“Po si kanë me dashtë kur shkurtohet buxheti për shëndetësi. Një qeveri që e ka prioritet shëndetin e qytetarëve do t’i mbante fondet për shëndet”, ka thënë ai.
Duke folur për veteranët ka thënë se çfarë vlerë e luftës është kur thuhet se në Kosovë janë 60 mijë veteranë e në luftë ishin 17 mijë veteranë.
“Kosova nuk i ka 60 mijë veteranë nuk mund ta ndryshoni këtë fakt. Nga kjo foltore i ftoj veteranët njëmend të bëhen bashkë dhe t’i shtrojnë kërkesat e qarta”, ka thënë ai./arbresh.info/
Rezultatet fillestare i japin epërsi të lehtë presidentes pr...
Shawn Mendes ndalon koncertin për të nderuar këngëtarin e nd...
Shpërthime të fuqishme në Bejrut, Izraeli shënjestron degët ...
Digjen orët e rrymës në një ndërtesë në Fushë Kosovë
Lushtaku: Me mbështetjen e qytetarëve dhe mërgatës tonë, PDK...
Zyrtarët e lartë amerikanë vizitë pa paralajmërim në Beograd...