AAK: Propozimin evropian e kemi mbështetur pa kurrfarë kalkulimi partiak apo elektoral

22:19 | 16 Mars 2023
E.H

Aleanca për Ardhmërinë e Kosovës (AAK) vazhdon të deklarohet se mbështet propozimin evropian mbi normalizimin e raporteve në mes të Kosovës dhe Serbisë.

Përmes një komunikate për media nga AAK bëhet e ditur se brenda kësaj marrëveshje ekziston njohja “defakto” e Kosovës

“Pa asnjë mëdyshje e kemi vlerësuar se është një marrëveshje që brenda vetes ka njohjen “defakto” të shtetit të Kosovës dhe që është interes nacional i yni!”, theksohet në komunikatën e kësaj partie.

“I kemi dhënë mbështetje këtij projekti pa kurrfarë kalkulimi partiak apo elektoral. Prandaj përpjekja e disa individëve, apo grupimeve të caktuara që këtë qëndrim të interesit nacional e shtetëror të Aleancës, ta vendosin në mozaikun e shkurtpamësisë së tyre, s’është gjë tjetër përpos mjerimi i tyre!”, thuhet tutje në njoftim.

Sipas tyre Kosova duhet ta përfundojë rrugën e çlirimit dhe shtetndërtimin bashkë me aleatët me në krye ShBA-në./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm