AAK pas takimit me strukturat e partisë: Nuk i përkrahim marrëveshjet e natyrës teknike

18:28 | 12 Gusht 2020
Arbresh.info

Aleanca për Ardhmërinë e Kosovës (AAK) ka mbledhur sot strukturat drejtuese për të diskutuar zhvillimet politike në vend, me theks të veçantë tek menaxhimi i pandemisë, rimëkëmbja ekonomike, dialogu Kosovë-Serbi, mbarëvajtja e koalicionit qeveritar dhe performancën e zyrtarëve të AAK-së në qeverinë aktuale.

Po ashtu u diskutua edhe gjendja e krijuar pas propozim aktakuzave ndaj Presidentit të vendit, Hashim Thaçi dhe kryetarit të PDK-së Kadri Veseli.

Përmes një komunikate për media, AAK ka fillimisht iu ka shprehur ngushëllime të gjitha familjeve që kanë humbur anëtarët e tyre si pasojë e Covid-19.
Në komunikatë thuhet se AAK nuk e përkrah bllokimin e vendit, kufizimin e lirisë së lëvizjes dhe bllokimin e ekonomisë.

“Aleanca nuk përkrah bllokimin e vendit, kufizimin e lirisë së lëvizjes dhe bllokimin e bizneseve dhe ekonomisë. Përkundrazi, Aleanca konsideron se bizneset dhe qytetarët duhet të mbështeten sa më shumë me grante e subvencione, që do ndihmojnë në kapërcimin e krizës aktuale”, thuhet në komunikatën e AAK-së.

AAK nuk përkrah dialogun teknik në nivel koordinatorësh, sepse sipas këtij subjekti politik, është kthim mbrapa në pozicionin e Kosovës.

“AAK nuk përkrah dialogun teknik në nivele të ulëta koordinatorësh, duke e konsideruar si të gabuar dhe kthim prapa në pozicionin e Kosovës”, thuhet në komunikatë.

Komunikata e plotë e AAK-së:

Aleanca për Ardhmërinë e Kosovës ka mbledhur sot strukturat më të larta drejtuese për të diskutuar për zhvillimet politike dhe qeverisëse në vend. Aleanca për Ardhmërinë e Kosovës, shpreh ngushëllime për të gjithë ata që kanë humbur familjarët me Covid-19.

Aleanca fton qytetarët e vendit, të respektojnë udhëzimet e ekspertëve shëndetësorë, në mënyrë që sa më shpejt të dalim nga kjo pandemi.
Aleanca nuk përkrah bllokimin e vendit, kufizimin e lirisë së lëvizjes dhe bllokimin e bizneseve dhe ekonomisë. Përkundrazi, Aleanca konsideron se bizneset dhe qytetarët duhet të mbështeten sa më shumë me grante e subvencione, që do ndihmojnë në kapërcimin e krizës aktuale.

AAK nuk përkrah dialogun teknik në nivele të ulëta koordinatorësh, duke e konsideruar si të gabuar dhe kthim prapa në pozicionin e Kosovës.
AAK përkrah dialogun me lidership amerikan, që do përfundojë me njohjen reciproke mes dy vendeve. Koalicionin qeveritar e kemi mbështetur pa kushte, për shkak të gjendjes së rënduar ekonomike, në mënyrë që një qeveri legjitime të marrë masat e duhura në dobi të qytetarëve të vendit.

Por, AAK nuk do të përkrah marrëveshjet e natyrës teknike në të cilat ekziston rreziku që po rrëshqasim. Aleanca do të jetë si gjithmonë konstruktive në interes të vendit në rast të zgjidhjeve politike të cilat janë në dobi të mirëqenies së qytetarëve.

Këshilli Drejtues i AAK-së e ka autorizuar kryetarin Haradinaj që në emër të Aleancës të zhvillojë çfarëdo bisedimesh eventuale për rikonfigurimin eventual të qeverisë, përfshirë këtu edhe çështjen e presidentit nëse kjo do vjen në rend të ditës.

Këshilli Drejtues po ashtu, ka kërkuar me shumicë, që në këto bisedime, kandidat për president të jetë kryetari Ramush Haradinaj./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm

“Prishtina e mbeturinave”, lagjet kundërmojnë deri në disa metra larg kontejnerëve

09:00 | 4 Gusht 2024

Djali iu bë polic, prindi përlotet nga emocionet: Rinia na ikën…Unë dy djem i kam jashtë, e ky kam pas qejf me vesh uniformën

16:28 | 2 Gusht 2024

Vogëlushja shpërthen në lot nga gëzimi i diplomimit të vëllait: Ka dhënë shumë për me arritë këtu

12:43 | 2 Gusht 2024

Kurti mori pjesë në shënimin e Ditës Kombëtare të Zvicrës: Me kalimin e kohës, lidhjet tona janë intensifikuar dhe janë zgjeruar

23:33 | 1 Gusht 2024

Zjarr fushor në Komoran

16:35 | 30 Korrik 2024

Policia e Kosovës identifikon një vend ku po kultivoheshin bimë narkotike në bjeshkën e Roshkodolit të Deçanit

18:27 | 29 Korrik 2024

Kalaja e Artanës, ish -Novobërdës, atraksioni turistik i mbetur peng nga dëmtimet

15:00 | 27 Korrik 2024

“Jam i pandashëm në këtë punë, deri në vdekje nuk largohem nga mjedra”/ Ky është llapjani që ka dy hektarë e 20 ari me mjedra

13:00 | 27 Korrik 2024

Bislimi priti në takim Përfaqësuesin Special të Norvegjisë për Ballkanin Perëndimor, e njofton me punën e Qeverisë

20:58 | 24 Korrik 2024

AUV gjen dhe refuzon për import një ngarkesë prej 26 ton mish të shkrirë me origjinë nga Brazili

19:01 | 23 Korrik 2024