Google ADS

Shtatë persona u lënduan nga një aksident në rrugën Mitrovicë – Prishtinë

23:13 | 5 Tetor 2024
R J

Shtatë persona janë lënduar nga një aksident zingjiror që ka ndodhur sot në rrugën nacionale Mitrovicë-Prishtinë.

Zëdhënësi i policisë për rajonin e Mitrovicës, Ilmi Prekazi për Arbresh.info ka bërë të ditur se personat e lënduar kanë pësuar lëndime të lehta trupore.

Ndërkohë, në aksident janë përfshirë tri vetura.

“Rreth orës 18:00, në rrugën nacionale Mitrovicë-Prishtinë, ka ndodhur një aksident zingjiror ku janë të përfshira tri automjete. Si pasojë e aksidentit shtatë persona kanë kërkuar tretman mjekësor në Emegjencën e Spitalit Rajonal në Mitrovicë dhe sipas informatave lëndimet janë të lehta, pas trajtimit janë liruar në shtëpi”, tha Prekazi.

Njësitë policore të trafikut janë duke u marrë me hetimin e rrethanave të rastit”, tha ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm