Kryeministri i Shqipërisë Edi Rama ishte i ashpër ndaj PD-së në lidhje me qëndrimet e tyre ndaj rezolutës kundër raportit të Dick Martyt si edhe ndaj rezolutës kundër gjenocidit në Srebrenicë.
Në seancën ku po diskutohet për projektrezolutën kundër raportit të Dick Martyt, ai iu drejtua opozitës duke i thënë se ia kanë ngulur thikën mu në gjoks, ish-presidentit të Kosovës, Hashim Thaçit, dhe se UÇK-në e kanë quajtur terroriste.
Rama ndër të tjera tha se opozita është thika në shpinën e Kosovës.
“Rezoluta për Srebrenicën u miratua në ditën e Srebrenicës jo në ditën e foltores dhe gojores. Nuk keni çfarë ti bëni gomarit dhe i bini samarit. Zanafilla e Dick Martzt është vota e PD në Këshillin e Evropës kundrejt votës kundër të Damian Gjiknurit dhe Shpëtim Idrizit”, tha Rama duke shtuar se PD i ka ngulur shumë thika Kosovës dhe Hashim Thaçit.
“Thikat që i keni ngulur ju Kosovës nga dita e parë duke e masakruar UÇK-në si terrorist dhe marksiste leniniste deri në ditën e fundit duke ia ngulur thikën në gjoks Presidentit të Kosovës janë të pafundme. Hajde thoni: Hashim Thaçi është mirë aty ku është? Ju jeni thika në gjoksin e Kosovës, kështu do të mbesni sepse jeni bishti i shtrembër”, tha Rama./arbresh.info/
“Hajde pimë kafe, mos e keni ftohtë”, Kajtazi tregon se si e...
Akuza e Harrisit: Trump, si Hitleri, me gjeneralët e ushtris...
Porosia e Buzhalës për shefin e AKI-së: Nuk na tutni, rrini ...
Kajtazi: Në AKI ekziston struktura paralele që i shërben pus...
Krasniqi: Bedri Hamza është kryeministri më i mirë që Kosova...
Ukrainë thotë ushtarët koreanoveriorë janë zhvendosur në Kur...