Google ADS

Rama i dhuron Robin Krasniqit “Hyjneshën në Fron”

14:41 | 13 Mars 2023
E.H

Kryetari i Komunës së Prishtinës, Përparim Rama ka pritur sot në takim Kampionin e Botës në Boks, Robin Krasniqi.

Rama në rrjetin social Facebook ka shpërndarë disa fotografi më boksierin nga Juniku si dhe e falënderoi për përfaqësimin e vendit në hartat botërore.

“Një kampion i vërtetë nuk përcaktohet vetëm nga fitoret, por nga përkushtimi, këmbëngulja, karakteri dhe shpirti i tij. Robin Krasniqi, ju mishëroni të gjitha këto cilësi dhe jo vetëm. Faleminderit që e keni vënë vendin tonë në hartat botërore dhe që na bëni gjithmonë krenar me arritjet tuaja”, ka shkruar Rama.

Në fund, i pari i kryeqytetit i dhuroi Hyjneshën në Fron Krasniqit në shenjë mirënjohje.

“Në shenjë mirënjohjeje e admirimi, të dhurojmë Hyjneshën në Fron – simbol i vërtetë i qëndrueshmërisë dhe forcës, ashtu sikur jeni edhe ju! Mirë se erdhe në shtëpi, Robin!”, tha në fund Rama./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm