Presidenti i Sllovenisë, Borut Pahor sot do ta vizitojë Kosovën.
Pahor do të pritet nga presidentja e vendit Vjosa Osmani.
Presidenti i Sllovenisë, është duke zhvilluar një turne të vizitave nëpër vendet e Ballkanit Perëndimor.
Ky turne vjen në kuadër të përgatitjeve për samitin e 11-të të procesit Brdo-Brioni, më 12 shtator, që do të mbahet në Brdo pranë Kranjës.
Para disa ditësh, Pahor qëndroi në Beograd, nga ku, ndërsa foli për dialogun Kosovë-Serbi, kërkoi formimin e Asociacionit të komunave me shumicë serbe nga Kosova.
“Sa herë i kam vizituar miqtë e mi në Prishtinë, u kam thënë se duhet të formohet Asociacioni i komunave serbe nëse duam që një proces të jetë i besueshëm”, ka thënë pahor në kryeqytetin serb.
Pahor kishte thënë se gjatë vizitës në Kosovë do të dërgojë disa mesazhe të rëndësishme.
“Në Prishtinë, së pari, do të them se çështjet e mbetura aktuale, në shtator dhe tetor, duhet të zgjidhen me dialog, dhe së dyti, dialogu duhet të jetë më ‘i gjallë’, mendoj se ka shumë mosbesim”, ishte shprehur ai. /arbresh.info/
Rusia: Do të arrijmë të gjitha qëllimet në Ukrainë
Në zonën 40 km/h voziti 122 k/h, gjobitet ngasësi me 400 eur...
Kurti vizitoi vendin e rënies së Heroit, përurohet emërtimi ...
79-vjeçari nga Ferizaj gjen një portofol me para – e dorëzon...
Njëvjetori i vrasjes së Afrim Bunjakut, Kearns: Radoiçiq dhe...
Vazhdon periudha për aplikim të subjekteve politike për cert...