Emisari i posaçëm i Bashkimit Evropian për dialogun Kosovë-Serbi, Miroslav Lajçak, ka bërë të ditur se takimi me zëvendëskryeministrin e Kosovës, Besnik Bislimin dhe Drejtorin e Zyrës së ashtuquajtur të Kosovës në Qeverinë e Serbisë, ka shkuar “mirë”.
Lajçak këto detaje i ka ndarë nëpërmjet një postimi në ‘Twitter’ në llogarinë e tij, duke përmendur agjendë të ngjeshur, përfshirë edhe çështjen e targave, shkruan arbresh.info.
“Ne kemi axhendë të ngjeshur të çështjeve aktuale, përfshirë targat, zbatimin e marrëveshjeve të kaluara të dialogut dhe përgatitjen e terrenit për një takim të ardhshëm të nivelit të lartë”, u deklarua Lajçak.
Lajçak, sipas fotografive, i ka zhvilluar takimet e ndara me të dy kryenegociatorët, teksa nuk është bërë e ditur nëse i kanë përafruar qëndrimet për arritjen e një marrëveshjeje për targat.
Kosovës dhe Serbisë sot, më 21 prill, u skadon afati për të arritur një marrëveshje përfundimtare lidhur me targat e veturave serbe dhe atyre kosovare që hyjnë dhe dalin nga kufijtë e dy shteteve./arbresh.info/
Arrestohen tre zyrtarë të Federatës se Karatesë, dyshohet se...
Shkatoi telashe në bordin e një anije, 35 vjeçari vdes pasi ...
AUV shton kontrollin e mandarinës, pa dallim origjinën e tyr...
Përleshja me thikë në Lipjan, lëndohen dy persona
Tre të mitur e godasin me grushte dhe i vjedhin para një 38-...
Vendimi i Gjykatës Speciale për Shalën, Jonuzin dhe Bahtijar...