Braktisin punën edhe rreth 200 serbë të veriut të Kosovës

15:25 | 9 Nëntor 2022
L G

Largimi nga vendet e punës në mënyrë vullnetare, por me dirigjim dhe presion nga Serbia, ka vazhduar edhe të mërkurën në komunat e veriut të Kosovës.

Gjatë ditë së mërkurë, rreth 200 punëtorë, shtetas të Kosovës të nacionalitetit serb, që kanë punuar në detyra të ndryshme në institucionet lokale në këtë zonë, kanë dorëzuar detyrat.

Në mesin e tyre, dorëheqje kanë dhënë edhe gardianët e burgut të Mitrovicës së Veriut, zjarrëfikës, zyrtarë ministrishë, e të punësuar të tjerë në institucionet publike, raporton RTKlive.

Gjatë ditës, detyrën e kanë dorëzuar edhe zyrtarë të tjerë serbë nga Komisioni Zgjedhor në veri.

Ndërkohë, në tërësi, situata e sigurisë është e qetë dhe nuk është shënuar ndonjë incident.

Shpërndaje në rrjete sociale

Lajmet më të lexuara

Të ngjashme

Foto lajm