Kryeministri i Kosovës, Albin Kurti në një konferencë të jashtëzakonshme pas sulmit në Zubin Potok ku u dëmtua kanali kryesor i Ibër -Lepencit tha se nëse nuk riparohet shpejt rrezikon që një pjesë e vendit të mbetet pa energji elektrike qysh nesër.

Ai ka thënë se ky është një sulm kriminal dhe terrorist.

“Sonte u desh të mblidhemi në këtë orë të vonë për të informuar opinionin publik mbi sulmet e fundit të rënda, kriminale, terroriste e dashakeqe që po vijojnë të na vijnë, ne besojmë nga fqinji ynë verior agresiv e armiqësor. Vetëm ditëve të fundit patëm sulm me granata dore në Stacionin e Policisë në Zvecan, mbrëmë u hodh mjet shpërthyes në afërsi të objektit të Komunës së Zvecanit e sonte ishte akti më I rëndë kur rreth orës 19:00 në afërsi të fshatit Vrragë të Ziubin Potokut me mjete shpërthyese u dëmtua kanali kryesor i IBër-Lepencit prej nga furnizohen me ujë disa qytete në Kosovë si dhe KEK për ftohjen e termoelektraanave për prodhimin e energjisë elektrike.”, tha ai.

” Një pjesë e kanalit të Ibër-Lepencit është dëmtuar nga një shpërthim i detonuar. Policia jonë tashmë është në vendin e ngjarjes, Furnizimi me ujë të pijes është ndërprerë përkohësisht. Ky është sulm kriminal dhe terrorist i cili ka synuar ta dëmtojë infrastrukturën tonë kritike, mase edhe më të rëndësishmen që kemi. Pa dyshim që ishte tentativë e rrezikimit të furnizimit me energji elektrike dhe ujë në vendin tonë. Ky është sulm kriminal dhe terrorist që ka synuar ta dëmtojnë infrastrukturën tonë kritike dhe ishte tentativë e rrezikimit të furnizimit me energji elektrike. Sulmi është kryer nga profesionist. Ne besojmë se vjen nga bandat e dirigjuara dhe orkestruara nga Serbia, në rastin konkret duke përdoru një sasi të madhe të eksplozivit në një nyje kyçe ku riparimi është i vështirë. Nëse dëmi nuk riparohet një pjesë e Kosovës rrezikon të mbeten pa energji që nesër në mëngjes. Disa qytete dhe një pjesë e Prishtinës rrezikojnë të mbeten pa ujë të pijshëm”, tha Kurti./Arbresh.info/