Kryetari i Rahovecit, Smajl Latifi ka realizuar premtimin elektoral për ndarjen e 500 eurove për çdo lindje në Qendrën Kryesore të Mjekësisë Familjare në Rahovec.

Sot i kemi pyetur qytetarët se a duhet dhe komunat tjera, përkatësisht Prishtina, që të ndërmarrin një iniciativë të tillë për stimulimin e krijimit të familjes tek çiftet e reja.

Një qytetare nga Rahoveci thotë se ndihet krenare me ketë vendim, pasi shtyn gratë të lindin në vendin e tyre.

“Unë e lexova para dy dite këtë iniciativë të Rahovecit, meqë dhe vijë nga Rahoveci, ndihem shumë krenare që Komuna e Rahovecit ka marr këtë iniciativë, e para sepse të gjitha gratë dhe prej rajoneve; Rahovec, Gjakovë, Prizren, vijnë shumë në Prishtinë për të lindur, kjo është një shtytje që me shku ato me lind në vendin e vetë, sepse është më afër, kushtet janë sigurisht tek se e kanë marrë këtë iniciativë”, tha ajo.

Tutje, ajo shton se kjo iniciativë duhet të ndermirët nga të gjitha komunat, pasi i stimulojnë nënat që të lindin në vendin e tyre.

“E dyta, mirë kishte me qenë që të gjitha komunat me marrë këtë iniciativë, sepse i stimulojnë nënat me lind në vendin e tyre, sepse nataliteti na ka ra, dhe mos me u ngarku spitali i Prishtinës, siç është i ngarkuar me vite të tëra, dhe gjithsesi është një përfitim për nënat e reja”, përfundoi ajo.

Një qytetar tjetër u shpreh se çdo qytet duhet ta ndërmarrë këtë vendim.

“Për spital, besoj që çdo qytet dhe çdo vend duhet me bo ata, mirëpo varet prej të ardhurave që i ka komuna, ndoshta Rahoveci ka të ardhura më shumë nuk e di ata, po mirë është më bo”, tha ai.

Një qytetar tjetër u shpreh se të rinjtë po ‘ikin’ nga krijimi i familjes, dhe e krahason kohën e tashme me të kaluarën, duke thënë se gratë kanë bërë 5 deri në 8 fëmijë, e tash po e përfundojnë vetëm me 2.

“Pa marr parasysh Prishtina, pse jo në qoftë se kanë kushte kanë mundësi me bo ato, prandaj është shumë me vend Latifi që e paska bo atë, këta të rinjtë, po ikin prej fëmijëve, një fëmijë dy, nënat tona i kanë pas ka 5 – 6 fëmijë, ose 7-8 fëmijë, një motër e babës tem i ka pasë 11 fëmijë, dhe i ka rritë të gjithë, dhe çfarë kushte kanë pasur, mirëpo kushtet janë më të mira tash”, përfundoi ai./Arbresh.infoi/Rita Jakupi/