Musliu: Peci ose Speci, njëri duhet me përfundu në burg

20:44 | 20 Nëntor 2024
E.G

Deputetja e Partisë Demokratike të Kosovës (PDK), Ganimete Musliu, i ka reaguar ministrit të Bujqësisë, Faton Peci, i cili ka thënë se në qeveritë e kaluara me një traktor janë vjedhur mbi 3 milionë euro.

Musliu me anë të një postimi në Facebook tha se përmes këtyre deklaratave ministri në fjalë po mundohet ta shantazhojë opozitën.

Ajo ka thënë se se pas këtyre deklaratave ministri Peci duhet të intervistohet nga prokuroria.

“Ty, more manipulues, është e pamundur që dikush të të besojë, por nëse kjo që thua është e vërtetë dhe ti nuk e ke paraqitur në prokurori, por e ke mbajtur për të shantazhuar në fushatën zgjedhore, atëherë e meriton burgun. Ministrat dhe askush tjetër nuk guxon të shantazhojë, sepse shantazhi dënohet me ligj. Prokurori pas këtyre deklaratave ose PECI ose SPECI njani duhet me përfundu në burg”, ka shkruar Musliu./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm