Google ADS

Zyrtarët e Graçanicës blejnë rroba për dimër me para të komunës

08:16 | 12 Dhjetor 2019
V. S.

Komuna e Graçanicës po del se nuk është kursimtare me paranë publike.

Madje nga buxheti i saj, i pari i komunës Srgjan Popoviq, u ka blerë veshje dimërore edhe zyrtarëve komunal, shkruan arbresh.info.

Kështu bëhet e ditur në njoftimin për nënshkrim të kontratës të bërë publik në faqen zyrtare të Komisionit Rregullativ të Prokurimit Publik.

E për kontratën me titull “Furnizim i veshjeve dimërore për nevojat e zyrtarëve komunal” fillimisht ishte parashikaur vlera prej 4.640 euro.

Pas hapjes së tenderit kishin aplikuar dy operator ekonomik ndërsa fitues ka dalë N.P.T.”ELLCANA”  nga Rahoveci i cili ka ofruar çmimin prej  3.580 euro.

Operatori tjetër kishte ofruar çmimin prej 4 mijë euro.

Por në të njëjtin njoftim nuk jepen detaje se për cilët zyrtare komunal janë blerë këto rroba/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm