Shoqata e naftarëve shqyrtoi raportin vjetor, përshëndesin miratimin e Ligjit të Naftës

18:44 | 23 Dhjetor 2021
Përparim Bublaku

Sot, me datë 23 dhjetor 2021, është mbajtur Kuvendi i Shoqatës së ndërmarrjeve që merren me qarkullimin e naftës, derivateve të naftës, gazrave dhe lubrifikanteve “SHQNGL”.

Në Kuvendin përmbyllës të Shoqatës për vitin 2021, u shqyrtua vetëm një pikë e rendit të ditës e cila përfshinte raportin e punës 1 vjeçare të Shoqatës për këtë vit.

Gjithashtu, në këtë takim ku ishte prezent edhe Kryesuesi i Kuvendit të Odës Ekonomike të Kosovës, z. Ruzhdi Kurtishaj, u diskutuan edhe prioritetet e Shoqatës së Naftëtarëve për vitin e ardhshëm.

“Njëherit, Shoqata e Naftëtarëve shprehet falënderuese ndaj Qeverisë Kurti, specifikisht ndaj Kryeministrit të Republikës së Kosovës z. Albin Kurti dhe Ministres së Industrisë, Ndërmarrësisë dhe Tregtisë znj. Rozeta Hajdari, për Ligjin e Naftës i cili ka kaluar në lexim të parë, me shpresën që ky Ligj do të kalojë sa më shpejtë edhe në leximin e dytë”, thuhet nw njoftim./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm