Haradinaj kujton vëllezërit Bytyqi: Serbia i dekoroi kriminelët që dyshohet se i vranë ata

10:17 | 8 Korrik 2024
E.G

Kryetari i Aleancës për Ardhmërinë e Kosovës (AAK), Ramush Haradinaj ka kujtuar Vëllezërit Bytyqi.

Ai tha se Agron, Yll dhe Mehmet Bytyqi, shtetas amerikanë, si shumë vëllezër e motra kishin lënë ëndrrën amerikane për t’iu bashkuar Ushtrisë Çlirimtare në momentet më vendimtare për Atdheun, shkruan Arbresh.info.

“Shteti serb përpos që i ekzekutoi pa gjyq, vazhdon me injorimin e krimeve dhe me dekorimin e kriminelëve të luftës, mes tyre edhe ata që dyshohen se vranë Vëllezërit Bytyqi.”, ka shkruar Haradinaj.

“Sot e çdo ditë ne ndajmë dhembjen e krenarinë me familjen Bytyqi – me bacën Ahmet e me zonjën Bahrije dhe bashkëluftëtarët e “Atlantikut”.  Shpirti human, atdhedashuria dhe heroizmi i tyre, do të përkujtohen gjithmonë!”, shtoi Haradinaj./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm