Google ADS

Gjuajti me armë zjarri në ajër në një fushë, arrestohet i dyshuari në Shtime

20:46 | 28 Gusht 2024
E.G

Policia e Kosovës ka ndaluar një të dyshuar për përdorim të paautorizuar të armës së zjarrit në një fushë në rajonin e Shtimes.

Sipas njoftimit, gjatë kontrollit në fshatin Petrovë të Shtimes dhe në shtëpinë e të dyshuarit R.R i moshës 28 vjeçar, kanë gjetur dy armë të zjarrit : një pushkë automatike dhe një pistoletë, shkruan Arbresh.info.

“Njësia e Hetimeve të stacionit në Shtime, e mbështetur edhe nga policët e rendit, në bazë të një urdhërese të Gjykatës Themelore të Ferizajt, me datën 28.08.2024, rreth orë 13:00 ka realizuar një kontroll në fshatin Petrovë të Shtimes dhe në shtëpinë e të dyshuarit R.R ( M/K) i moshës 28 vjeçar, kanë gjetur dy armë të zjarrit : një pushkë automatike dhe një pistoletë.”, thuhet në njoftim.

Policia bën të ditur se i njëjti është ndaluar për 48 orë.

“I dyshuari është shoqëruar në stacionin e policisë në Shtime dhe pas intervistimit nga hetuesit policorë, me vendim të prokurorit të shtetit është ndaluar në mbajtje për 48 orë, për procedura tjera hetimore, ndërsa si provë materiale janë sekuestruar dy armët e zjarrit.”, thuhet në njoftim.

Rasti është cilësuar “Përdorim i armës apo mjetit të rrezikshëm” dhe ” Mbajtje në pronësi, kontroll apo posedim i paautorizuar i armëve në Shtime./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm